بعرفش ليش مرات الحياة بتجبرنا على اشياء مش حابين نعملها ولكن مهما كانت الاشياء المجبرين عليها مش لازم نخليها تغير مسار حياتنا على كيفها
نستسلم إلها ؟ ما اظنش انو فى حد هالايام عندو كلمة استسلام الواحد بجرب بدور و بحاول ومهما كان حجم المحاولة صغير اكيد راح يكسب اشي
من ايمتا كنا بنخلى المصاري تتحكم فينا و كيف انو الشخص ممكن يتحول من حمل وديع الى ذئب يبحث عن فريسة
ممكن بحالة وحدة انو الشخص يكون بوجهين ؟ بس ما اعتقد انو ريم كانت بوجهين ॥
عرس امبارح خلي الكل يحكى انها بوجهين مع انى متأكدة انو لااا
اكيد راح يحكو لما يكون العريس قد جدها السابع عشر شو بيخلي بنت بعمر الورد توخد هيك منظر ( مصــاري) ؟؟؟
ضغط نفسي ؟؟ او انها يئست من البحث عن حل ؟ انا لو محلها اكيد مش راح ألاقي حل
لما الحبيب يصير مبتز لانو مش لاقى يصرف على حالو و الاهل يصيرو على الحديدة و البنت ما الها الا الله و على الناحية التانية فى رجال رجلو و القبر منتهز للفرص بيرمي للمسكين طعم المصاري
بيكون الحل جوازة و السلام ॥ أبدا ما تخيلتك يا ريم بهيك موقف كان ممكن توقفى هاى المهزلة بطريقة تانية مش انك تستسلمى بالشكل البشع هادا
الي ريمي التى كانت ريم ॥ مع خالص حبي لكى بالزفاف السعيد ॥
Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the TV de Plasma, I hope you enjoy. The address is http://tv-de-plasma.blogspot.com. A hug.
ردحذف